882 Logon Ne Ek Sunday Baptisma Liya?!

0:00Hello, hi, kaise hain aap? Main hoon Prem, aur yeh hai 5Talents Rewind. 5Talents ki khabrein, bina boring hue. Aaj pichhle 15 din ko rewind karte hain, toh aap coffee ya chai le ke baith jaiye.

0:25Pehli khabar thodi emotional hai. The Chosen ki shooting khatam ho chuki hai, 24 September ko. Saat saal, saat season, aur 528 din set pe. Jonathan Roumie, hamare screen wale Yeshu, unhone Instagram pe likha hai: "The hour has finally come." Aur mazedaar baat yeh hai ki inhone Season 7 shoot kar liya, jo resurrection ke baare mein hai, aur humne toh abhi tak crucifixion wala season hi nahi dekha hai. Waise spoiler alert: He rises. Sorry, aapne 2000 saal pehle hi sun liya hoga.

1:08Season 6 Prime Video pe 15 November ko aa raha hai. Agar aapne The Chosen app download kiya hai, toh aap free mein dekh sakte hain. Aur churches mein Episode 1 ki screening aap 15 November tak kar sakte hain. Agar aapne abhi tak nahi dekha hai, toh yeh video apne pastor uncle ko share kijiye.

1:32Doosri khabar. Dallas ke paas Lakepointe Church mein ek Sunday ko 882 logon ne baptisma liya. Hamare yahan toh 82 log agar church aa jaate hain, toh pastor uncle ka BP check karwana pad jaayega ki itne log kaise aa gaye.

1:52North Carolina mein Biltmore Church mein ek lake hai, jahan pe 458 logon ne baptisma liya. Unki 137 saal ki history mein pehle kabhi ek din mein itne logon ne baptisma nahi liya tha.

2:16Ab debate yeh hai ki itni jaldi baptisma lena theek hai? Na class, na interview, aur sab log paani mein. Pastor Josh Howerton ne kaha, "New Testament mein har baptisma spontaneous tha." Prerito ke kaam mein agar dekhte hain, toh Philip ne Ethiopian official se yeh toh nahi kaha ki pehle aap jaiye, yeh workbook complete karo, aur phir main aake aapko baptisma doonga. At that time the baptism was spontaneous. Kisi ne Yeshu ke baare mein suna aur instantly decision le liya ki aaj main unhe follow karta hoon, aur kaha ki mujhe baptisma de do.

3:02Agli khabar thodi interesting hai. 57th Dove Awards, yeh Christian music industry ka ek jaana-maana award hai. Aur is baar Song of the Year mila hai Josiah Queen ko. Unke gaane ka naam hai "Dusty Bibles". Josiah ne bataya ki yeh gaana unhone tab likha jab ek afternoon woh ek ghante tak mobile mein doomscroll kar rahe the. He was just scrolling his phone for like one hour. Ek ghanta scroll kiya, scroll kiya, thak gaye, and then he wrote a song. Aur aaj us gaane ko Song of the Year mila hai.

3:49Lekin socho, worship industry mein sabse bada award is gaane ko diya gaya hai because of its lyrics. Aur uske lyrics mein yeh hai ki Bible pe toh dhool jam gayi hai, lekin phone full charge hai.

4:06Agli khabar: Faroe Islands, jo Scotland aur Iceland ke beech mein hain. Lagbhag 18 islands hain yahan pe, aur sirf 55,000 log. Itne log toh hamare Gachibowli ke IT park mein ek shift mein aa jaate hain. Toh interesting baat yeh hui ki in islands ke liye ek nayi New Testament translation aayi hai, jo 1937 ke baad pehli baar aayi. Bahut saalon ke baad in logon ko ek nayi New Testament mili hai.

4:39Interestingly, isi saal English Bible ke 500 saal bhi poore hue. William Tyndale ne 1526 mein pehli baar English New Testament print kiya tha. Unhone chupke se 3,000 New Testament chhapwaye, aur agar woh England mein chhapwate toh unko maar diya jaata. Aur aaj sirf teen hi bachi hain. Baaki New Testaments ko usi samay jala diya gaya tha.

5:09Ab apne shehar ki baat. 16 October ko NLAG Kompally mein Oneness Season 5 hua. Yahan pe 25 singers, chhe languages, Hindi, Telugu, English, Kannada, Tamil, ek hi stage pe the. Itni saari languages ek saath do hi jagah sunne milti hain: ya toh Oneness mein, aur ya Hyderabad ke auto stand pe.

5:37Season 1 pe 13.8 million views aaye the. Concept bahut simple hai, boss: gaana samajh mein aaye na aaye, jiske baare mein likha gaya hai, woh samajh mein aata hai. Praise the Lord. Main bhi kal wahin pe tha, and I really enjoyed the show with my family. What a wonderful time. Mujhe toh bahut maza aaya. Sheldon Bangera ne josh se bhar diya, and there was a rap artist, main uska naam bhool gaya, I'm sorry, but he was amazing.

6:09Okay, aur yeh hai aakhri news. Ab aapko plan banana padega: 31 October, Gachibowli Indoor Stadium. The Mighty Dream ka Sound Barrier conference hone wala hai. Ticket hai ₹399.

6:22Twist yeh hai ki worship tak pahunchne ke liye aapko job fair se hoke guzarna padega. Pehli baar koi church event jahan worship se pehle aapko HR se milna hoga. Lunch mein industry ke leaders tables par baithe honge, aur aap jaake seedha sawaal pooch sakte hain. Pichhle saal ek social media volunteer ko wahin par job offer mil gaya. Volunteer ko! Toh resume le ke jaana, lekin sawaal poochna. Register karne ke liye aap description mein link dekh sakte hain.

6:53Toh yeh tha 5Talents Rewind. Saari stories 5talentsmag.com pe available hain, link description mein dekh lijiye. Comment mein bataiye kaunsi story aapko sabse shocking lagi. Aur haan, apne Bible se jo dhool hai, use hata dijiye. Josiah Queen dekh rahe hain. Agle hafte phir rewind karte hain. Bye bye!